ໂຄງການກະສິກຳເພື່ອໂພຊະນາການໄລຍະ 2
Agriculture for Nutrition Project Phase II
ສົ່ງເສີມຄວາມໝັ້ນຄົງດ້ານສະບຽງອາຫານ,
ໂພຊະນາການ, ການປັບຕົວຕໍ່ການປ່ຽນແປງດິນຟ້າອາກາດ ແລະ ສ້າງລາຍລາຍຮັບໃຫ້ແກ່ປະຊາຊົນ
ກ່ຽວກັບໂຄງການ
ໂຄງການກະສິກຳເພື່ອໂພຊະນາການໄລຍະ 2 (AFN II) ແມ່ນໂຄງການສືບຕໍ່ຈາກໂຄງການກະສິກຳເພື່ອໂພຊະນາການໄລຍະ 1 ທີ່ໄດ້ຮັບທຶນສະຫນັບສະຫນູນຈາກ ກອງທຶນສາກົນເພື່ອການພັດທະນາກະສິກຳ (IFAD) ແລະ ອົງການອາຫານໂລກ (WFP). ລັດຖະບານແຫ່ງ ສປປ ລາວ ໄດ້ຮັບທຶນຊ່ວຍເຫຼືອລ້າເພິ້ມອີກຈາກ ອົງການແຜນງານກະສິກຳ ແລະ ຄ້ຳສະບຽງອາຫານໂລກ (GAFSP) ຈຳນວນ 20 ລ້ານໂດລາສະຫະລັດ ແລະ ທຶນກູ້ຢືມຈາກ ກອງທຶນສາກົນເພື່ອການພັດທະນາກະສິກຳ (IFAD) ຈຳນວນ 13,2 ລ້ານໂດລາສະຫະລັດ ເພື່ອຈັດຕັ້ງປະຕິບັດໂຄງການໄລຍະ 2.
ອົງການຜູ້ໃຫ້ທຶນ
ປື້ມຄູ່ມື ແລະ ເອກະສານໂຄງການ
Agriculture For Nutrition Project Phase II - AFN II
ໂຄງການກະສິກໍາ ເພື່ອໂພຊະນາການ ໄລຍະ 2
ເນັ້ນຍົກລະດັບຄຸນນະພາບຊີວິດ ສ້າງຄວາມໝັ້ນຄົງດ້ານສະບຽງອາຫານ ແລະ ສົ່ງເສີມການຜະລິດກະສິກໍາ
.............................................
ກອງປະຊຸມ ສະຫຼຸບ 9 ເດືອນ ປີ 2025 ແລະ ແນະນໍາຮ່າງແຜນການ ແລະ ງົບປະມານ ປະຈໍາປີ 2026 ຂອງໂຄງການກະສິກໍາ ເພື່ອໂພຊະນາການ ໄລຍະ 2 (AFN II) ໄດ້ຈັດຂຶ້ນ ລະຫວ່າງວັນທີ 14-16 ຕຸລາ 2025 ທີ່ຫ້ອງວ່າ ການປົກຄອງເມືອງວັງວຽງ ແຂວງວຽງຈັນ.
ເປັນປະທານເປີດໂດຍ ທ່ານ ປອ. ບຸນເດດ ສຸດທະວິໄລ ຫົວໜ້າກົມແຜນການ ແລະ ການຮ່ວມມື ແລະ ປະທານດໍາເນີນກອງປະຊຸມໂດຍ ທ່ານ ພານີສອນ ຊາມົນຕີ ຫົວໜ້າພະແນກຄຸ້ມຄອງການລົງທຶນ, ກົມແຜນການ ແລະ ການຮ່ວມມື; ທ່ານ ສີໂສວັດ ພັນດານຸວົງ ຜູ້ປະສານງານໂຄງການກະສິກໍາເພື່ອໂພຊະນາການ ໄລຍະ 2 ຂັ້ນສູນກາງ.
ໂດຍມີທ່ານຫົວໜ້າ-ຮອງຫົວໜ້າພະແນກການຂອງກົມ, ສະຖາບັນອ້ອມຂ້າງກະຊວງກະສິກຳ ແລະ ສິ່ງແວດ ລ້ອມ, ທ່ານຫົວໜ້າ-ຮອງຫົວໜ້າພະແນກການຂອງກົມ ທີ່ມາຈາກກະຊວງການເງິນ ແລະ ກະຊວງການຕ່າງປະເທດ, ທ່ານຫົວໜ້າ-ຮອງຫົວໜ້າຫ້ອງການກະສິກຳ ແລະ ສິ່ງແວດລ້ອມ ເມືອງເປົ້າໝາຍຂອງໂຄງການ, ບັນດາທ່ານຜູ້ປະສານງານໂຄງການທຸກຂັ້ນ (ສູນກາງ, ແຂວງ, ເມືອງ) ພ້ອມດ້ວຍວິຊາການທີ່ກ່ຽວຂ້ອງ ແລະ ອົງການອາຫານໂລກ, ບັນດາທ່ານຊ່ຽວຊານ ທັງພາຍໃນ ແລະ ຕ່າງປະເທດ ເຂົ້າຮ່ວມ.
ໂຄງການກະສິກໍາເພື່ອໂພຊະນາການ ໄລຍະ 2 ດໍາເນີນການຈັດຕັ້ງປະຕິບັດວຽກງານ ພາຍໃຕ້ການສະໜັບສະໜູນງົບປະມານ ຈາກກອງທຶນໂລກເພື່ອການຄໍ້າປະກັນສະບຽງອາຫານ ຫຼື GAFSP ຜ່ານກອງທຶນສາກົນເພື່ອການພັດ ທະນາກະສິກໍາ ຫຼື IFAD ຈໍານວນ 38 ລ້ານໂດລາສະຫະລັດ ເພື່ອຍົກລະດັບຄຸນນະພາບຊີວິດການເປັນຢູ່ ຂອງຄົວເຮືອນຜູ້ດ້ອຍໂອກາດ ໃນພື້ນທີ່ເປົ້າໝາຍ 6 ແຂວງ ຄື: ແຂວງຜົ້ງສາລີ, ອຸດົມໄຊ, ຊຽງຂວາງ, ເຊກອງ, ສາລະວັນ ແລະ ແຂວງອັດຕະປື ພາຍໃນປີ 2030.
ທີ່ປະຊຸມ ໄດ້ລາຍງານຄວາມຄືບໜ້າວຽກງານໃນ 9 ເດືອນ 2025 ໃນດ້ານທີ່ອົງການອາຫານໂລກຮັບຜິດ ຊອບ; ຂະບວນການມອບທຶນສວນຄົວ; ວຽກງານອາຫານຈາກປ່າ; ວຽກງານຕິດຕາມປະເມີນຜົນ; ການເງິນ; ຈັດຊື້-ຈັດຈ້າງ; ວຽກງານສົ່ງເສີມກະສິກໍາ; ຈຸລະວິສາຫະກິດຂະໜາດນ້ອຍ; ວຽກງານປຸງແຕ່ງອາຫານ ແລະ ຄວາມປອດໄພອາ ຫານ; ໂຄງລ່າງລະບົບນໍ້າ; ສິ່ງແວດລ້ອມ; ບົດບາດ ຍິງ-ຊາຍ; ອົງການຈັດຕັ້ງທາງສັງຄົມ; ວຽກງານຄຸ້ມຄອງຄວາມຮູ້. ພ້ອມທັງ ປຶກສາຫາລືແນວທາງດໍາເນີນງານ 3 ເດືອນ ທ້າຍປີ 2025 ແລະ ການສ້າງແຜນ ແລະ ງົບປະມານ ປີ 2026. ນອກຈາກນີ້, ໄດ້ມີການແບ່ງກຸ່ມສົນທະນາ ເພື່ອໃຫ້ແຕ່ລະເມືອງຄົ້ນຄວ້າ ແລະ ເອົາຂໍ້ມູນເຂົ້າແບບຟອມແຜນ ແລະ ງົບ ປະມານ ປະຈໍາປີ 2026 ເພື່ອຮ່ວມກັນກໍານົດແນວທາງ ການພັດທະນາໂຄງການ ໃຫ້ມີປະສິດທິພາບຫຼາຍຂຶ້ນ.
ທ່ານປະທານກອງປະຊຸມ ໄດ້ກ່າວວ່າ: ໂຄງການກະສິກໍາເພື່ອໂພຊະນາການ ໄລຍະ 2 ມີຄວາມຄາດຫວັງທີ່ຈະສ້າງຄວາມໝັ້ນຄົງທາງດ້ານສະບຽງອາຫານ, ສົ່ງເສີມການຜະລິດກະສິກໍາ ທີ່ຄໍານຶງເຖິງການປ່ຽນແປງສະພາບດິນຟ້າອາກາດ ແລະ ເພີ່ມລາຍໄດ້ຂອງຄົວເຮືອນຜູ້ດ້ອຍໂອກາດ ໃຫ້ເພີ່ມຂຶ້ນ 20% ພາຍໃນປີ 2030.
ຈາກ: ຂ່າວສານກະສິກຳ ແລະ ສິ່ງແວດລ້ອມ
Agriculture For Nutrition Project Phase II - AFN II
✨ກອງປະຊຸມສະຫຼຸບ 9 ເດືອນ ແລະ ວາງແຜນປະຕິບັດງານປີ 2026 ✨ ໃນລະຫວ່າງວັນທີ 14–16 ຕຸລາ 2025, ໂຄງການກະສິກຳເພື່ອໂພຊະນາການໄລຍະ 2 (AFN II) ໄດ້ຈັດກອງປະຊຸມສະຫຼຸບຜົນການດໍາເນີນງານ 9 ເດືອນ ແລະ ວາງແຜນປະຕິບັດງານປີ 2026 ທີ່ ເມືອງວັງວຽງ, ແຂວງວຽງຈັນ. ຈຸດປະສົງຂອງກອງປະຊຸມແມ່ນເພື່ອ:
Agriculture For Nutrition Project Phase II - AFN II
ໂຄງການກະສິກຳເພື່ອໂພຊະນາການໄລຍະ 2 ເມືອງງາ - AFN II Nga District
ເຖີງ: ຮ້ານຜູ້ປະກອບການ ແລະ ພໍ່ແມ່ປະຊາຊົນ ທ່ານຜູ້ທີ່ມີຄວາມສົນໃຈ.
ເລື່ອງ: ເຂົ້າຮ່ວມການສົມທຽບລາຄາສໍາລັບການສະໜອງວັດສະດຸສ້າງຄອກໝູ,
ອີງຕາມ ແຜນການເຄື່ອນໄຫວວຽກ ແລະ ງົບປະມານປະຈໍາປີ 2025 ຂອງໂຄງການກະສິກໍາເພື່ອໂພຊະນາການໄລຍະ2 ບ້ານ ໃໝ່ ເມືອງງາ ແຂວງອຸດົມໄຊ ມີຈຸດປະສົງຕ້ອງການຊື້ ວັດສະດຸສ້າງຄອກໝູ ລາຍລະອຽດດັ່ງລຸ່ມນີ້:
Agriculture For Nutrition Project Phase II - AFN II
ກອງປະຊຸມປຶກສາຫາລື ການພັດທະນາຜະລິດຕະພັນຄວາມຮູ້ກ່ຽວກັບອາຫານຈາກປ່າ ແລະ ຈາກສັດນໍ້າ Meeting to discuss project progress and the development of knowledge products on wild food and aquatic species by AFN II with
Agriculture For Nutrition Project Phase II - AFN II
ໂຄງການກະສິກຳເພື່ອໂພຊະນາການໄລຍະ 2 ເມືອງແບງ - AFN II Beng District ໃນລະຫວ່າງວັນທີ່ 1-2/10/2025 ທີ່ຜ່ານມາ ທ່ານ ທອງນ່ານ ສີອາພອນ ກຳມະການພັກເມືອງ ຫົວໜ້າຫ້ອງການກະສິກຳ ແລະ ສິ່ງແວດລ້ອມ ຮອງປະທານຊີ້ນຳໂຄງການຂັ້ນເມືອງ ແລະ ທ່ານ ສີວິໄຊ ແກ້ວທອງຄູນ ຮອງຜູ້ປະສານງານໂຄງການຂັ້ນເມືອງ, ພ້ອມດ້ວຍທີມງານໂຄງການກະສິກຳເພື່ອໂພຊະນາການໄລຍະ
ຄູ່ຮ່ວມຈັດຕັ້ງປະຕິບັດໂຄງການ
